“Ой Партнерс” ХХК нийгмийн хариуцлагын хүрээнд “TREX PRO” уулын гутлын борлуулалтаас Шинжлэх Ухааны Академийн Палеонтологийн Хүрээлэнд хандивлана. Тодруулбал, Монголын палеонтологийн судалгааны ололтыг олон нийт, хүүхэд залуучуудад сурталчилж шинжлэх ухаан, танин мэдэхүй, соёлын өвийн боловсрол олгох чиглэлээр сургалт зохион байгуулах, эрдэм шинжилгээний бүтээл туурвихад дэмжин ажиллана. Энэ хүрээнд “Ой Партнерс” ХХК-ийн Гүйцэтгэх захирал Б.Нандин-Эрдэнэ, Шинжлэх Ухааны Академийн Палеонтологийн Хүрээлэнгийн захирал Х.Цогтбаатар нар Хамтран ажиллах санамж бичиг байгуулсан юм.